«Blogcamp-2012» шарасы қазақ тілді интернетке өз үлесін қосып жатқан жастарды дәстүрлі түрде Наурыз мейрамымен ұштастырып екінші рет жинап отыр. Былтыр осы бас қосу Алатау бөктерінде орын алса, биыл бұл кездесу еліміздің бас қаласы Астанада өтті. Еліміздің жан-жағынан 150 адам жиналды.

Биылғы құрылтайға Қытайдағы senkazakh.com (Ақытбек Шеризатұлы) және kazakhsoft.com (Ойлан Нүсіпұлы) ірі порталдарының жетекшілері келіп, өз тәжірибелерімен бөлісті.

Уордпресс жабылғанмен аталмыш тұғырнамада блог жүргізіп жүрген энтузиаст жастар жеке домендерге, kazjur.kz немесе qazaqblogger.com блог жүйелеріне көшіп қазақ тілді контентті ары қарай дамытып жатқандары байқалады.

Қазақ интернетінде білімге, тәрбиеге байланысты уеб-ресурстар көбейді. Атап айтқанда, imath.kz (Айбек Қуатбаев), kyzdar-alippesy.kz (Айбек Қуандық) және aikarakoz.kz (Эльвира Ергалина).

Алматылық Дастан видеоблоггингті (vbloggers.kz) дамытуды, Елдар қазақстандық блогтарды бір жүйеге (blogle.kz) әкелуді ұсынды.

Қазақ тілді интернетті дамытып жүрген энтузиаст жастарды ынталандыру мақсатында үздік уеб-ресурстар мен үздік презентациялар байқауы өтіп, демеушілердің дайындаған тосын сыйлары берілді.

Келесі жеңімпаздарға “Қазақтелеком” АҚ-нан сыйлықтар берілді:

Хостинг:

Назира Бурханова “Зерделі блог” (zerdeli.kz)

Елдар Құдайбергенұлы “Блог-каталог”  (blogle.kz)

Тимур Бектұр “IT-tirlik” (timurdan.info)

Мегалайн:

Дастан Ахметжановz (vbloggers.kz)

Айбек Қуандық  (kyzdar-alippesy.kz)

Айбек Қуатбаев (imath.kz)

“Жанұя” аталымы бойынша  aikarakoz.kz сайтының жетекшісі Эльвира Ергалинаға Қазтелерадио АҚ  ұсынған “Отау ТВ” құрылғысын иеленді.

Қазақ тілді интернеттің дамуына үлкен үлес қосып жатқан осы шара дәстүрге айналып жыл сайын басқа қалаларда да өткізіледі деген үміттеміз.

Астанада 22-23-24 наурыз күндері жауын-шашынды болады деп жатыр метереологтар. Қар аралас жаңбыр жауады, ештеңе араласпай құр жаңбырдың өзі де жауады. Күн де салқын болады. Жылы киініп келіңдер.

Толығырақ мында.

Блог Құрылтайда жасалған баяндамалардың барлығын қарап шығу мүмкін емес. Сондықтан баяндамаға қатыса алмағандар және Құрылтайға келе алмағандар үшін баяндамаларды видеожинақ қылып, Блогкемп сайтына шығармақшымыз.

Баяндама жасаушылар Блог Құрылтай кезінде өз баяндамаларын міндетті түрде видеоға түсірулері тиіс. Алдын ала достарыңызбен келісіп алыңыздар. Түсірілген видеолар Youtube сайтына жүктеліп, тақырыбы және баяндама жасаушының аты-жөні жазылып, info@blogcamp.kz адресіне жіберілуі тиіс.

P.S Құрылтай кезінде қызықты видеолар, блиц-сұхбаттар, сауалнамалар түсіру сәлемденеді!:)

— Айгерім пәтерлерге бронь жасап жатыр.

— Қазақстанның түкпір-түкпірінен құрылтайшылар (өздері келе алмаса да) демеушілік танытып жатыр.

Не істеу керек?
— Видеоларға бас-көз болатын адам керек.
— Наурыздың 21-інде универде жиналу керек (кофе-брейкке, тіркеу жеріне арналған стол, орындықтар қою үшін, жалпы аудиториялардың қайда орналасқанын көріп, таныса беру үшін).

Пысы: Ұмытпай тұрғанда. Блог құрылтай — адамдармен танысу алаңы: бұл жерде жақсы жобалары бар адамдар демеуші тауып алуы мүмкін, немесе бар болған сайтты ары қарай дамыту жолдарымен танысу мүмкін. Сол үшін визитка, жобаңызды көрнекі түрде жеткізетін бір буклет дайындап қоюыңыз артықтық етпес.
Хабар үзбеңдер!

БлогҚұрылтайдың күні жақындаған сайын, кеудемде толғаныстар мен күдіктер көбейіп жатыр. Алыстан келетін құрбыларды көріп, бір қуанып, жаңа достармен танысып алудың керемет мүмкіндігі деп есептесем де, жауапкершіліктің ауыр жүгі жаныма батады екен.

Сонымен, Наурыз мейрамы күні алғашқы кездесуіміз жоспарда тұр. Препати немесе думан алды жиналыс десем де болады ғой, иә? Сол жиналыс «Кәусар» мейрамханасында (Халал кешен деген аты бар) 22 наурыз күні,кешкі сағат 19-00 да өтеді. Құны 2500 теңге. 

Келем деушілерге есік ашық.  Тек маған қазір тізім керек боп тұрғаны.  Осы жиынға міндетті түрде қатысам деушілер, өтініш, жазба астына «келемін» деп жазып өтсеңіздер))))

Құрылтайда кездескенше, достаааааар))))

З.Ы.мынау ресторанның сыртқы көрінісі. Мекен-жайы: 5 шағын аудан, 20/1

Еуразия сауда үйінің жанында. Сол жақ жағалау. №23,31,автобустары келеді.

Айжан Табын

Алдымен көлік ( қай қаладан келетініңізге байланысты)

-          Поезд билеті – 2000-10 000 теңге

-          Ұшақ  - 25000 -35000 теңге

Жатын үй (қонақ үйі)

-          6000 –нан шексіздікке дейін )))) (Қонақ үйі)

-          Пәтер 1-2 бөлме 6000-нан бастап жоғары

Тамақтану:

Кафеде:

-          1000 теңгеден жоғары

Ресторанда (мысалы препати 2500 теңге адам басына):

-          2500 жоғары

Мәдени шаралар (театр, кино, океанариум т.с.с.)

Кино: -700 – 2500 теңге билеті

Театр: 500-800 теңге

Океанариум: 1000 теңге

Музей: Президент Мәдени Орталығы мен Тұңғыш президен музейі тегін. Көрмелер 500 теңгеден бастап.

Байтерек: 500 теңге көтерілу, түсу тағы 500 теңге (шутка))))

Қала ішінде көлік:

Такси: 500 теңгеден жоғары

Автобус: 60 теңге

Маршруттық такси 65 теңге

Сонымен, Астанада үш күндей болатын адамға орташа есеппен:

5000 теңге поезд

18000 жатын жер

5000 теңге тамақ

10 000  теңге мәдени шаралар (түнгі клубтарға барам десе кемінде 20000)

Көлікке – 2000 теңге кетеді деп есептесек (әрине, бір пәтерге екі үш адам болып, жалпы үнемдеуге болады), онда 38 000 теңге керек екен.

Негізі, бұл сумма орташадан жоғары деп алынды әрине. Пәтер жалдап тұратындар, тамақты үйде пісіріп жейміз деп шешкендер үшін бұл шығындар көптік етеді.

Айжан Табын

Уақыт санау жұмысына атсалысам деуші блогерлер болса, ernar.bekenov@gmail.com мекеніне хабарласуға болады.

Тайм-киперлер командасы толықтай жиналғаннан кейін, бір бас қосып, негізгі атқаратын істерді дұрыстап түсіндіріп, пысықтап беремін. Сондықтан, “не істейтінімді толық білмей қаламын” деп қорқудың қажеті жоқ.

Естеріңе сала кетейін, Blogcamp саяси бағыттағы, діншілдердің, сектанттардың немесе тағы да басқа ықпалды күштердің шарасы емес, бұл қазақ блогерлерінің танысу, ойларымен/жобаларымен/тәжірибелерімен бөлісу жиыны. Ешқандай ресмилік, формалдылық, қатып қалған ереже, шарт та болмайды. Қатысушылардың бәрі ерікті, бәрі блогер.

Сонымен, еріктілерден хабар күтемін.

Ернар Бекенов  (patick)